۞إِنَّ ٱللَّهَ ٱصۡطَفَىٰٓ ءَادَمَ وَنُوحٗا وَءَالَ إِبۡرَٰهِيمَ وَءَالَ عِمۡرَٰنَ عَلَى ٱلۡعَٰلَمِينَ
الألبانية | Shqip
Allahu e zgjodhi Ademin عليه السلام dhe i bëri melekët e Vet të bien për të në sexhde. Ai zgjodhi Nuhun duke e bërë të Dërguarin e parë (me Shpallje) për banorët e Tokës. Ai zgjodhi familjen e Ibrahimit, duke bërë që Shpallja të vazhdonte te pasardhësit e tij, siç zgjodhi edhe familjen e Imranit. Ishte Allahu Ai që i zgjodhi ata të gjithë dhe i nderoi përmbi njerëzit e tjerë të kohës së tyre.
ذُرِّيَّةَۢ بَعۡضُهَا مِنۢ بَعۡضٖۗ وَٱللَّهُ سَمِيعٌ عَلِيمٌ
الألبانية | Shqip
Ata -profetë dhe pasardhës të tyre ishin të gjithë pjesë e të njëjtës familje: në shërbim të teuhidit dhe kryenin vepra të mira. Ata trashëgonin prej njëri-tjetrit fisnikërinë dhe mirësinë. Allahu dëgjon çfarë thonë robtë e Vet dhe është i Gjithëditur për veprat e tyre. Prandaj edhe përzgjedh prej tyre kë të dëshirojë dhe e ngre lart kë të dojë.
إِذۡ قَالَتِ ٱمۡرَأَتُ عِمۡرَٰنَ رَبِّ إِنِّي نَذَرۡتُ لَكَ مَا فِي بَطۡنِي مُحَرَّرٗا فَتَقَبَّلۡ مِنِّيٓۖ إِنَّكَ أَنتَ ٱلسَّمِيعُ ٱلۡعَلِيم
الألبانية | Shqip
Kujto, o i Dërguar, kur bashkëshortja e Imranit, nëna e Merjemes, tha: “O Zot, unë ia bëj detyrim vetes që këtë që kam në barkun tim, të ta kushtoj me sinqeritet vetëm Ty, duke mos e angazhuar me asgjë tjetër, përveçse në shërbimin Tënd dhe në shërbim të Shtëpisë Sate (Faltores së Shenjtë). Prandaj pranoje këtë prej meje, sepse Ti je Dëgjues i lutjeve të mia dhe i Gjithëditur për qëllimin tim!”.
فَلَمَّا وَضَعَتۡهَا قَالَتۡ رَبِّ إِنِّي وَضَعۡتُهَآ أُنثَىٰ وَٱللَّهُ أَعۡلَمُ بِمَا وَضَعَتۡ وَلَيۡسَ ٱلذَّكَرُ كَٱلۡأُنثَىٰۖ وَإِنِّيسَمَّيۡتُهَا مَرۡيَمَ وَإِنِّيٓ أُعِيذُهَا بِكَ وَذُرِّيَّتَهَا مِنَ ٱلشَّيۡطَٰنِ ٱلرَّجِيمِ
الألبانية | Shqip
Kur iu plotësua shtatzania dhe lindi, ajo tha me keqardhje që nuk arriti të lindte djalë: “Zoti im, unë e linda vajzë.” Por Allahu e dinte më mirë se çfarë kishte lindur ajo. Djali, të cilin ajo e shpresonte, nuk është si vajza që iu dhurua, as në forcë e as në krijim. Pastaj tha: “Unë ia vura emrin Merjeme dhe po ia dorëzoj mbrojtjes Sate atë dhe pasardhësit e saj, që t’i mbrosh prej shejtanit të mallkuar.”
فَتَقَبَّلَهَا رَبُّهَا بِقَبُولٍ حَسَنٖ وَأَنۢبَتَهَا نَبَاتًا حَسَنٗا وَكَفَّلَهَا زَكَرِيَّاۖ كُلَّمَا دَخَلَ عَلَيۡهَا زَكَرِيَّا ٱلۡمِحۡرَابَ وَجَدَعِندَهَا رِزۡقٗاۖ قَالَ يَٰمَرۡيَمُ أَنَّىٰ لَكِ هَٰذَاۖ قَالَتۡ هُوَ مِنۡ عِندِ ٱللَّهِۖ إِنَّ ٱللَّهَ يَرۡزُقُ مَن يَشَآءُ بِغَيۡرِ حِسَابٍ
الألبانية | Shqip
Allahu ia pranoi asaj plotësisht zotimin, e rriti atë në mënyrën më të denjë dhe bëri që zemrat e të devotshmëve të ndienin respekt e dashuri për të dhe e la atë nën përkujdesjen e Zekerijas (paqja qoftë mbi të!). E sa herë që Zekeria hynte në vendin e saj të adhurimit, gjente pranë Merjemes ushqime të mira, të marra pa lodhje. Prandaj e pyeti: “O Merjeme, kush po ta sjell ty këtë ushqim?!” Ajo iu përgjigj: “Ky rrizk është prej Allahut. Allahu i jep me mbushulli (bollëk) e pa llogari kujt të dëshirojë.”
وَإِذۡ قَالَتِ ٱلۡمَلَـٰٓئِكَةُ يَٰمَرۡيَمُ إِنَّ ٱللَّهَ ٱصۡطَفَىٰكِ وَطَهَّرَكِ وَٱصۡطَفَىٰكِ عَلَىٰ نِسَآءِ ٱلۡعَٰلَمِينَ
الألبانية | Shqip
Kujto, o i Dërguar, kur melekët i thanë Merjemes: “Për arsye të cilësive të lavdëruara që ke ti, Allahu të ka përzgjedhur ty, duke të pastruar prej mangësive dhe duke të zgjedhur ty përmbi të gjitha gratë e botës të kohës sate.
يَٰمَرۡيَمُ ٱقۡنُتِي لِرَبِّكِ وَٱسۡجُدِي وَٱرۡكَعِي مَعَ ٱلرَّـٰكِعِينَ
الألبانية | Shqip
O Merjeme, zgjate kohën në falje, bëj sexhde për Zotin tënd, dhe përulu me ruku për Të, bashkë me ata që përkulen -robtë e Tij të devotshëm!”
ذَٰلِكَ مِنۡ أَنۢبَآءِ ٱلۡغَيۡبِ نُوحِيهِ إِلَيۡكَۚ وَمَا كُنتَ لَدَيۡهِمۡ إِذۡ يُلۡقُونَ أَقۡلَٰمَهُمۡ أَيُّهُمۡ يَكۡفُلُ مَرۡيَمَ وَمَا كُنتَلَدَيۡهِمۡ إِذۡ يَخۡتَصِمُونَ
الألبانية | Shqip
Këto, që po t’i përmendim ty në lidhje me Zekerian dhe Merjemen, janë prej tregimeve të panjohuara, që ne po t’i shpallim vetëm ty, o i Dërguar, pasi ti nuk ke qenë në mesin e tyre kur dijetarët dhe të devotshmit debatonin me njëri-tjetrin se kush kishte më shumë të drejtë për t’u kujdesur për Merjemen dhe për ta edukuar atë, aq sa u detyruan të hidhnin short. Ata hodhën short me shkopinj e shorti i ra Zekerias عليه السلام.
إِذۡ قَالَتِ ٱلۡمَلَـٰٓئِكَةُ يَٰمَرۡيَمُ إِنَّ ٱللَّهَ يُبَشِّرُكِ بِكَلِمَةٖ مِّنۡهُ ٱسۡمُهُ ٱلۡمَسِيحُ عِيسَى ٱبۡنُ مَرۡيَمَ وَجِيهٗا فِيٱلدُّنۡيَا وَٱلۡأٓخِرَةِ وَمِنَ ٱلۡمُقَرَّبِينَ
الألبانية | Shqip
Kujto, o i Dërguar, kur melekët i thanë: “O Merjeme, Allahu po të përgëzon ty me një djalë, krijimi i të cilit do të jetë pa baba, nëpërmjet një Fjale të Allahut, duke i thënë atij “Bëhu!” e ai do të bëhet me lejen e Allahut. Emri i këtij djali do të jetë Mesih, Isai – biri i Merjemes, i cili do të ketë një pozitë madhështore në jetën e kësaj bote dhe në Botën Tjetër. Ai do të jetë afër të Lartësuarit.
وَيُكَلِّمُ ٱلنَّاسَ فِي ٱلۡمَهۡدِ وَكَهۡلٗا وَمِنَ ٱلصَّـٰلِحِينَ
الألبانية | Shqip
Ai do t’u flasë njerëzve kur vetë të jetë foshnjë djepi, siç do t’u flasë kur të jetë i madh dhe të ketë mbushur moshën e pjekurisë, të forcës dhe të burrërisë. Ai do t‘u flasë atyre për atë që është e dobishme për ta, për fenë dhe jetën e tyre dhe do të jetë i devotshëm në fjalët dhe veprat e tij.
قَالَتۡ رَبِّ أَنَّىٰ يَكُونُ لِي وَلَدٞ وَلَمۡ يَمۡسَسۡنِي بَشَرٞۖ قَالَ كَذَٰلِكِ ٱللَّهُ يَخۡلُقُ مَا يَشَآءُۚ إِذَا قَضَىٰٓ أَمۡرٗا فَإِنَّمَايَقُولُ لَهُۥ كُن فَيَكُونُ
الألبانية | Shqip
Merjemja, e habitur me faktin se si ajo do kishte një djalë pa pasur një burrë, tha: “Si mundet që të kem unë djalë, ndërkohë që mua nuk më është afruar njeri, as në rrugë të lejuar e as në rrugë të ndaluar?!” Meleku iu përgjigj: “Allahu mund të krijojë një fëmijë në barkun tënd pa pasur nevojën e një babai, sepse Ai krijon çfarë të dëshirojë, duke thyer ligjësitë e natyrës. Kur Ai dëshiron diçka, vetëm i thotë asaj: “Bëhu” dhe ajo bëhet. Asgjë nuk mund ta pengojë Atë.“
وَيُعَلِّمُهُ ٱلۡكِتَٰبَ وَٱلۡحِكۡمَةَ وَٱلتَّوۡرَىٰةَ وَٱلۡإِنجِيلَ
الألبانية | Shqip
Ai do t’i mësojë shkrimin e do t’i mundësojë të jetë i saktë e i suksesshëm në fjalë dhe në vepra, duke i mësuar Teuratin, të cilin Ai ia pati shpallur Musait عليه السلام, si dhe Ungjillin, të cilin do t‘ia shpallë atij.